Ҳаамҭазтәи аепохаҿ ауаҩы имшхәыбзазареи иҧеиҧш лашеи, бжеиҳарала, аҵара бзиа иахьыҧшуп. Иахьа,  аҵара бзиа аиура ауаатәыҩсара рҭоурыхаҿ зеиҧшҟамлац аҵакы амоуп. 

Зхаҭабзиара ҳараку аҵара мацароуп иахьатәи, зҽызыҧсахуа атурбуленттә лагылазаараҿы, ухатә алшарақәа рынагӡаразы ауникалтә адырреи акомпетенциеи узҭо; аинформациа ииашеи аинформациа ҧаршеи реилкаареи, аҭынчра ахә ашьареи ахьчареи, амцҳәара аҿагылареи, аҿиара азықәҧареи, аперспетиваҵәҟьа абареи, уҧеиҧш ииашаны аиқәыршәареи, убри азыҳәан амҩа ииаша алхреи  улзыршо. 

Аҧсни Цхинвалтәи арегиони (закәанла) ирықәынхо ауааҧсыра зхаҭабзиара ҳараку аҵара аиуразы алшарақәа зегьы рзеиқәыршәоуп. Шәгәазыҳәара мацароуп иаҭаху, ишәҭаххар, ауникалтә алшара шәоуеит амалаҳәа аҽазыҟаҵареи, Жәыргьыҭи, Баҭыми, Қәҭешьи, Қарҭи иҟоу, жәларбжьаратәи астандартқәа ирышьашәалоу, акредитациа змоу, зтехнологиа ҳараку иреиҳаӡоу аҵараиурҭақәа азинчыдала рҭалареи аҵареи азыҳәан. Насгьы, шәквалификациа иаҳа еиҕьашәтәыр шәҭахызар, абарҭ иреиҳаӡоу аҵараиурҭақәа рыбзоурала, адунеи иреиҕьу аҵараиурҭақәа рҿы абакалавртәи, амагистртәи, адоктортәи программақәеи, иара убас, аквалификациа аиҕьтәра иазку  аиҭныҧсахларатәи программақәеи рҽалархәрала аҵара нашәыгӡар шәылшоит. 

Шәара Аҧсни Цхинвалтәи арегиони рҿы ишәоуз азеиҧш аҵареи иреиҳаӡоу аҵареи азхаҵареи,  иара убас, аҵара анагӡареи, шәхықәкқәа рынагӡареи шәылшарц азыҳәан, Европеи Америкеи иреиҕьу ауниверситетқәа рҿы аҵаразы афинансқәа раиура амеханизмқәа шәзеиқәыршәоуп.  

Ирласны азанааҭ аиуреи аусура алагареи  шәҭахызар, шәхатә интересқәеи, шәгәырҵҟәыли, шәҭахрақәеи ирышьашәаланы, азанааҭтә аҵаратә программақәа алхны, азин ҷыдала шәҽалархәны, амалаҳа азанааҭ шәоур шәылшоит. 

Абри алшара шәхы иашәырхәа, ашьаҿа иаша ҟашәҵа,   ақәҿиарақәа раиуреи шәгәы иҭашәкыз анагӡареи шәылзыршаша алшарақәа шәхы иашәырхәа.