Аҧсни Цхинвалтәи арегиони ирықәынхо ауааҧсыра аҳәаанырцә аҵара анагӡареи жәларбжьаратәи аҵаратәи аиҭныҧсахларатәи программақәа рҽалархәраеи азы алшарақәарзеиқәыршәоуп.
Зыӡбахәы ҳәоу апрограммақәа рҳәаақәа ирҭагӡаны, Аҧсни Цхинвалтәи арегиони ирықәынхо аҵаҩцәеи, астудентцәеи, аҵарауааи Америкеи, Европеи, Азиеи иреиҕьу ауниверситетқәа рҿы аҵара анагӡареи аҵарадырраҭҵааратә усура амҩаҧгареи азы алшарақәа рзеиқәыршәоуп, инагӡаны ма/иара убас, хәҭала аҧара азоушьҭрала. Иара убас, зыӡбахәы ҳәоу ауниверситетқәа рҿы аҵаразы иаҧҵоуп афинансыркра/астипендиа аиурагьы ҟалоит.
Аҳәаанырцә аҵара анагӡаразы алшарақәа:
1. Қырҭтәыла егьи аҵакырадгьылаҿ иҟоу ауниверситетқәа рҿы аҵара
Қырҭтәыла егьи аҵакырадгьылаҿ иҟоу ауниверситетқәа ирҭалаз астудентцәа, дара руниверситети Америкеи, Европеи, Азиеи иреиҕьу ауниверситетқәеи рыбжьара ишьақәгылаз аусеицура ҕәҕәа рхы иархәаны, уи аҳәаақәа ирҭагӡаны, жәларбжьаратәи аҵаратәи аиҭныҧсахларатәи программақәа рҽалархәра рылшоит. Зыӡбахәы ҳәоу апрограммақәа, ауниверситетқәа инрықәыршәаны, еиҧшым.
2. Erasmus+ апрограмма аҽалархәра
Erasmus+ - аҵареи, аҿари, аспорти рхырхарҭала Евроеидгыла имҩаҧнаго программоуп. Евроеидгылахь аинтеграциа апроцесс иазҧхьагәаҭаны, Қырҭтәыла, Евроеидгыла еиуеиҧшым аусхкқәеи аконкурсқәеи рылахәызааразы азинмчы амоуп.
Erasmus+ апрограмма абзоурала, Қырҭтәыла ауниверситетқәа европатәи ауниверситетқәа рҟны интенсивла аусеицура рылшоит, егьи аганахьала, иреиҳаӡоу аҵараиурҭақәа рстудентцәа рдырра аиҕьтәреи, академиа/административтә персонал рквалификациа ашьҭыхреи азыҳәан аиҭныҧсахларатә программақәа рҽаладырхәыр рылшоит.
Апрограмма астудентцәа алшара рнаҭоит аконкурс ала азеиҧш амагистртә программақәа ма аҿҳәаракьаҿлатәи (2 – 12 мза) аиҭныҧсахларатә программақәа рҽалархәразы, иара убас, Жан Моне иактивра рхы аладырхәыр рылшоит, уи ала иазҧхьагәаҭоуп Евроеидгыла иазку аҵаратә программақәеи аҭҵааратә проектқәеи аус рыдулареи рынагӡареи.
Аҧсни Цхинвалтәи арегиони ирықәынхо, Қырҭтәыла егьи аҵакырадгьылаҿ иҟоу ауниверситетқәа рҿы аҵара зҵо аҿар Ерасмус + амагистртә программа рхы иадырхәар рылшоит.
Инарҭбаау аинформациа шәахәаҧш - http://erasmusplus.org.ge
Аимадаразы аинформациа - (+99532) 2147139.
3. Жәларбжьаратәи ауниверситетқәа рҿы аҵареи афинансқәа раиуреи
Аҧсни Цхинвалтәи арегиони ирықәынхо аҿар, дара рхала, ирҭаху адунеи иреиҕьу ауниверситетқәеи арҭ ауниверситетқәа ицәырыргаз астипендиатә программақәеи алхны, рхы рыладырхәыр рылшоит.
Убри азыҳәан, рхы иадырхәар рылшоит Аинаалареи атәылауаҩратә аиҟарареи азҵаарақәа рзы аҳәынҭқарратә министр ивеб-даҟьа, уаҟа ижәбар шәылшоит уажәазы имҩаҧысуа жәларбжьаратәи астипендиатә программақәеи иаарту алшарақәеи ирызку аинформациа - https://smr.gov.ge/ge/page/50/ganatleba-sazgvargaret
Жәларбжьаратәи ауниверситет қәҿиарала аҭалареи, инагӡаны ма хәҭала афинансқәа раиуреи амзызла, Аҧсни Цхинвалтәи арегиони ирықәынхо аҿар Аҵара жәларбжьаратәи ацентр иадҵаалар рылшоит https://iec.gov.ge/.
Есышықәса имҩаҧысуа аконкурс аҳәаақәа ирҭагӡаны, ацентр, аҳәаанырцә аҵара зҭаху ауаҩы инагӡаны ма хәҭала аҧара изоушьҭра азҵаара иахәаҧшуеит. Аҧара азоушьҭрала иазҧхьагәаҭоуп аҵара ахәҧса, ма/иара убас, аҵара аан аҳәаанырцә анхара иадҳәалоу ахарџьқәа рыхҩара.
Арзаҳалқәа рыдыркылоит аелектронтә хархәагала, ацентр авеб-даҟьа иану арегистрациатә система ацхыраарала - https://app.iec.gov.ge/
Аҵара жәларбжьаратәи ацентр имҩаҧнаго аконкурс аҽалархәразы Аҧсни Цхинвалтәи арегиони ирықәынхо ауааҧсыра рхы иадырхәар рылшоит:
- Қырҭтәыла атәылауаҩ ихаҭара зыршаҳаҭуа адокумент; ма
- Ахаҭара зыршаҳаҭуа анеитралтә агәраргага ма анеитралтә аныҟәаратә документ.
Инарҭбаау аинформациа шәахәаҧш - https://iec.gov.ge/
Аимадаразы аинформациа: (+995 32) 2970197
