Азанааҭтә аҵара заур зҭаху ауааҧсыра зегьы, Аҧсни Цхинвалтәи арегиони ирықәынхо ауааҧсырагьы,  азанааҭтә аҵара аиуразы еиҟараны алшарақәа рымоуп. Азанааҭтә аҵара асистема ари аус иазҿлымҳау ауаа ирыднагалоит азанааттә аҵаратәи, иара убас, азанааҭтә азыҟаҵаратәи аиҭазыҟаҵаратәи программақәа.  

Аҵареи, аҵарадырреи, аҿар русқәеи рзы аминистрра, шықәсыкахь ҩынтә  ауаа ирыланаҳәоит азанааҭтә аҵаратә программақәа мҩаҧызго аусбарҭақәа рҿы аҵара зҭаху ауаа ррегистрациа. Арегистрациа аҿҳәарақәа ирызку аинформациа жәбар шәылшоит аминистрра авеб-даҟьеи  (https://mes.gov.ge/index.php?lang=geo), иара убас,  Facebook адаҟьаҿгьы (https://www.facebook.com/MESGeorgia/?locale=ka_GE). 2024 шықәсазы азанааҭтә аҵаратә программақәа рзы ауааҧсыра рыдыркылоит ҩынтә (ааҧынреи ҭагалани).

Азанааҭтә аҵаратә программақәа 

Азанааҭтә аҵара асистемаҿы иҟоуп апрограммақәа 3 хкык  - абазатә азанааҭтәи, абжьаратә азанааҭтәи, иреиҳаӡоу азанааҭтәи аҵаратә программақәа.  

1. Абазатә азанааҭтә аҵаратә программа зҽалазырхәыр зҭаху ауаҩы ашкол 9 класск дышрылгаз зыршаҳаҭуа адокумент имазароуп;

2. Абжьаратә азанааҭтә аҵаратә программа аҭаларазы ԥхьатәи ҭахраны иҟоуп 9-тәи акласс иреиҵамкәа ишалгаз шьақәзырӷәӷәо аусшәҟәы аарԥшра. Уи адагьы, абри аҩыза аусшәҟәы зтәу ауаҩы, иҭахызар, 10-12 классқәа рыпрограмма злахәу ас еиԥш иҟоу абжьаратәи азанааҭтә ҵаратә программа иҽалаирхәыр илшоит (интегралтәу апрограмма ҳәа изышьҭоу). Иазгәаҭатәуп, еилаҵәоу апрограмма анхыркәшахалак ашьҭахь, абжьаратәи азанааҭтә ҵарадырра асертификат иаҟароу адиплом шрыҭоу (12-тәи акласс).

3. Иреиҳаӡоу азанааҭтә программа  ахархәаразы,  ауаҩы,  азеиҧш аҵара наӡа шимоу (ашкол дшалгахьоу) зыршаҳаҭуа адокумент ма уи иашьашәалоу даҽа документк имазароуп. 

Ақырҭуа бызшәа ззымдыруа ауаа, азанааҭтә аҵара апрограмма аҽалархәра амзызла, даҽа бызшәак, азербаиџьан, ашәамахь, ма  аурыс бызшәагьы иалырхыр рылшоит. Алхратә етап ахысреи аҵараиурҭа аҭалареи ашьҭахь,  ақырҭуа бызшәа аҵара амодуль рыдаргалоит, қәҿиарала ари аетап иахысыз ауаа дара ирҭаху азанааҭтә программазы аҵара нарыгӡар рылшоит. 

Азанааҭтә ҵарадырратә программақәа рҿы арҵара еиҳарак апрактикатә ҟазшьа амоуп, насгьы аҵаратә усбарҭаҿы имҩаԥысуеит, иахәҭоу абизнес еиҿкаарақәа рыцхыраарала. Уи адагьы, программақәак ҩ-хәаԥшышьак рыла инагӡахоит, уи иаанагоит апрограмма аусбарҭеи аҵаратә наплаки еицны анагӡара.

Азанааҭтә ҵарадырратә программақәеи еиуеиԥшым азанааҭтә ҵарадырратә программақәеи назыгӡо аусбарҭақәа ирызку адыррақәа рыԥшаара ауеит анаҩстәи асаитқәа рҿы:

- https://vet.emis.ge/#/dashboard     

- https://mes.gov.ge/content.php?id=215&lang=geo 

Азанааҭтә аҵаратә прогрмаақәа рзы арегистрациеи апрограммақәа рҽалархәреи 

Азанааҭтә аҵаратә программақәа рзы арегистрациа мҩаҧысуеит аелектронтә хархәагала, авеб-даҟьаҿы  - https://vet.emis.ge/#/registration. 

Азанааҭтә аҵаратә программа аҽалархәразы аппликант ихы иаирхәар илшоит:

• Қырҭтәыла атәылауаҩ ихаҭара зыршаҳаҭуа адокумент; ма
• арегистрациа ашьаҭала ианашьоу хаҭалатәи аномер, ма
• ахаҭара зыршаҳаҭуа анеитралтә агәраргага ма анеитралтә аныҟәаратә документ. 

Азанааҭтә ҵаратә программақәа рҭагалара агәаҭарақәа рышьаҭала имҩаԥысуеит. Иазгәаҭатәуп, ақырҭуа бызшәа ззымдыруа ауаа аԥышәара рыҭаразы алшара шрымоу, урҭ рхыԥхьаӡараҿы иҟоуп азербаиџьан, аерман, аурыс бызшәақәа. Алхратә етап ианхыслак ашьҭахь, ақырҭуа бызшәа аҵаратә модуль рыдыргалоит, уи қәҿиарала ахыркәшара ашьҭахь, ауаа ирҭаху азанааҭтә ҵаратә программа ала рҵара ацҵара алшара роуеит.

Альтернативтә ҽҭагалара апроцедура ыҟоуп SEN (иҷыдоу аҵаратә ҭахрақәа) рзы, насгьы аԥсыҽра змоу ауаа рзы, SEN/аԥсыҽра змоу аҳәаҩцәа иалырхыз азанааҭ (занааҭқәа) рзы иҷыдоу аусмҩаԥгатәқәа рыԥсҭазаараҿы рхы иадырхәартә алшара рынаҭоит. Аҳәынҭқарратәи, хаҭалатәи азанааҭтә ҵараиурҭақәа рҿы аҵарақәа рхарџь ахьымҩаԥысуа адагьы (аԥхьагылара змоу аҵаратә программақәа), аҵара ианҭалалак ашьҭахь, есԥшьбара, аҵаҩы иҵара ацхрааразы, аваучертә ԥара иацҵаны ирзалхуп. Хаҭалатәи аҭахрақәа инарықәыршәаны, SEN/PWD азанааҭтә студентцәа ажәаҳәаратә бызшәа аиҭагаҩ, хаҭалатәи ацхырааҩ, амобилитети аориентациеи рзы аусбарҭақәа рыҭоуп. Иаҭаххар, аҵараиурҭа астудентцәа рзы атранспортгьы еиқәнаршәоит. Иацу амаҵзурақәа рҭахра шьақәдыргылоит азанааҭтә ҵарадырра зҭаху ауаҩы иҵаратә ҭахрақәа рыхәшьара аан, иахәҭоу аспециалистцәа, мамзаргьы аусбарҭа аинклюзивтә ҵарадырра аспециалист, азанааҭтә ҟазара Агентра иазку агәыԥ иацәажәаны.

Уи адагьы, иҷыдоу аҭахрақәа змоу/аԥсыҽра змоу азанааҭтә студентцәа рыцхрааразы, аҵаратә процесс иалахәуп аҵараиурҭа аинклюзивтә ҵарадырра аспециалистцәеи аҵаратә процесс ацхырааҩцәеи (иаҭаххар). Хаҭалатәи аҭахрақәа инарықәыршәаны, арҵара мҩаԥгазар алшоит хаҭалатәи акуррикулум шьаҭас иҟаҵаны.

Азанааҭтә ҵарадырратә программақәа аԥышәара иахымскәа аҭалара рылшоит Аԥсны, мамзаргьы Цхинвалтәи араион аҿы ашкол залгаз, насгьы ишьақәыргылоу аԥҟара инақәыршәаны азеиԥш ҵарадырра инагӡаны (абжьаратәи ашкол алгара) иазхаҵаз ауаа.

Аҧсни Цхинвалтәи арегиони рҿы ироуз азеиҧш аҵара наӡа (ашкол алгара) азхаҵара апроцедура мҩаҧыргоит Аҧснытәи автономтә республика Аҵареи акультуреи рзы аминистрреи ҧасатәи Аахыҵ Уаҧстәыла автономтә округ (ари аҵакырадгьылаҿ иаҧҵоу аамҭалатәи административ-аҵакырадгьылтә ак) администрациеи. 

Азанааҭтә аҵара аҧара азоушьҭра 

Аҳәынҭқарра ала/аҽалархәрала ишьаҭарку азанааҭтә аҵаратә усбарҭаҿы аҵара ахәҧса иашәоит аҳәынҭқарра, хазхаҭалатәи азанаатә аҵаратә усбарҭақәа рҿы – аминистр иҳәаақәиҵаз аҧыжәаратә усхкқәа инрықәыршәаны. 

Астуденттә азеиҧшнхарҭа 

Уажәтәи аетапаз астуденттә азеиҧшнхарҭа иҟоуп ҵаҟа еиқәыҧхьаӡоу азанааҭтә аҵаратә усбарҭақәа рҿы: 

1. аколлеџь  „Аиси“ – Гурџьаани амуниципалитет  (ақ. Каҷреҭи);
2. аколлеџь  „Ибериа“ - Қәҭешь;
3. аргыларатә коллеџь “Конструкт2" - Зесҭафони;
4. Самцхе -Џьавахеҭи аҳәынҭқарратә аҵаратә университет  - Ахалқалақьи;
5. Аколлеџь „Спектр“ - Қарҭ;
6. Аколлеџь  „Ахали талҕа“ - Қобулеҭи;
7. Шоҭа Месхи ихьӡ зху жәыргьыҭтәи аҳәынҭқарратә аҵаратә университет  - Жәыргьыҭ;
8. Илиа Ҵинамӡҕвришвили ихьӡ зху аколлеџь – Мцхеҭа амуниципалитет (ақ. Ҵинамӡҕврианҭкари).

Азанааҭтә азыҟаҵара/аиҭазыҟаҵара апрограмма

Азанааҭтә аҵара асистема адуцәа ирыднагалоит азанааҭтә азыҟаҵареи  азанааҭтә аиҭазыҟаҵареи аамҭақьаҿлатәи апрограммақәа, арҭ апрограммақәа рыбзоурала, ауаа аамҭакьаҿ иалагӡаны, аиҭазыҟаҵареи ргәылҵҟәыл аҿиареи рылшоит, уи аусурҭала аиқәыршәаратә џьармыкьа азыхынҳәраҿы  ирыцхраауеит. Абарҭ апрограммақәа ирхысыз ауаа аофициалтә сертификат роуеит. Араагьы, аҧыжәара змоу ахырхарҭақәа инагӡаны аҧара рзоушьҭуп. Азанааҭтә азыҟаҵареи азанааҭтә аиҭазыҟаҵареи апрограммақәа ҩымз инаркны 12 мзанӡа инагӡоит. Аҵараиурҭа цыҧхьаӡа, иара ахала, ашықәс иалагӡаны, программазы адкылара аанацҳауеит. 

Инарҭбаау аинформациа шәахәаҧш: https://vet.emis.ge/#/training-programs  - https://mes.gov.ge/prof_edu.php?id=3&lang=geo 

• Аҧсни Цхинвалтәи арегиони рҿы ауаа ироуа азеиҧш аҵара азхаҵара 

Аҧсни Цхинвалтәи арегиони рҿы ауаа ироуа азеиҧш аҵара  (абжьаратә школ алгара) азхаҵара абзоурала, еиуеиҧшым азинҷыдақәа рыла,  аҵара ахәҧса ашәаразы агрант аиура ашьаҭала, Қырҭтәыла егьи аҵакырадгьылаҿ иҟоу иреиҳаӡоу аҵараиурҭақәа (ауниверситетқәа) рҭалара ҟалоит. 

Азхаҵара апҟара:

Аҧсны арегионаҿ ауаҩы иоуз азеиҧш аҵара азхаҵара апроцедура мҩаҧнагоит Аҧснытәи автономтә республика Аҵареи акультуреи рзы аминистрра, Цхинвалтәи арегионаҿ  - ҧасатәи Аахыҵ Уаҧстәыла автономтә округ администрациа

Убри азыҳәан иаҭахуп:

Иашьашәалоу арзаҳал аҩра, уи иацзароуп:

• ахаҭара зыршаҳаҭуа адокумент ахкьыҧхьаа;
• Аҧсны/Цхинвалтәи арегионаҿ ауаҩы иоуз азеиҧш аҵара аконкреттә класс /аҩаӡара/ атриместр ахысра зыршаҳаҭуа адокумент  (уи еиҧш адокумент иҟазар);
•  иазҿлымҳау ахаҿы Аҧсны/Цхинвалтәи арегионаҿ азеиҧш аҵара класск /аҩаӡара/ атриместр дшахысыз афакт шьақәзырҕәҕәар зылшо ашаҳаҭцәа ирызку аинформациа;
• иазҿлымҳау ахаҿы Аҧсны/Цхинвалтәи арегионаҿ азеиҧш аҵара класск /аҩаӡара/ атриместр дшахысыз  зыршаҳаҭуа адокумент ишьҭазар ахьыҟало аусбарҭақәа реиқәыҧхьаӡа;
• ауаҩҧсы Аҧсны/Цхинвалтәи арегионаҿ азеиҧш аҵара шиоз афакт шьақәзырҕәҕәо иарбанзаалак даҽа документк.  

Аҧсны арегионаҿ ауаҩы иоуз азеиҧш аҵара иазхаҵазаауеит арзаҳал алаҵара инаркны 1 мызкы аҩныҵҟала. 

Инарҭбаау аинформациа шәахәаҧш:

- https://www.abkhazia.gov.ge/saministro/MINISTRY-OF-EDUCATION-AND-CULTURE 

- https://soa.gov.ge/ 

Аимадаразы аинформациа: 

Аҧснытәи автономтә республика Аҵареи акультуреи рзы аминистрра Ацәаҳәа ҷыда (+99532) 2950752

Ҧасатәи Аахыҵ Уаҧстәыла аамҭалатәи администрациа аҵара аусбарҭа: (+995) 595958052