სსიპ - ახალგაზრდობის სააგენტო ყოველწლიურად ახორციელებს ახალგაზრდულ ბანაკებს (ანაკლიისა და შაორის წყალსაცავის მიმდებარე ტერიტორიაზე, თემატურ ახალგაზრდულ ბანაკებს), რომლებშიც მონაწილეობა შეუძლიათ, მათ შორის კონფლიქტის შედეგად დაზარალებულ, 14-29 წლის ახალგაზრდებს. ბანაკებში მოხვედრისთვის სპეციალური კვოტები გათვალისწინებულია აფხაზეთის ავტონომიური რესპუბლიკის მთავრობისა და შიდა ქართლის მხარეში სახელმწიფო რწმუნებულის ადმინისტრაციის მიერ ნომინირებული პირებისთვის.
გარდა ამისა, სსიპ - ახალგაზრდობის სააგენტო ყოველწლიურად აცხადებს ახალგაზრდული ორგანიზაციების გაძლიერების მიმართულებით საგრანტო კონკურსებს.
2026 წელს ახალგაზრდული ინიციატივებისა (საგრანტო კონკურსი სტუდენტებისთვის) და ახალგაზრდული ორგანიზაციების გაძლიერებისთვის გამოცხადებულ კონკურსებში ერთ-ერთ პრიორიტეტს წარმოადგენს მშვიდობის მშენებლობა, აფხაზეთისა და ცხინვალის რეგიონების მიმდებარედ მცხოვრები ახალგაზრდებისთვის ახალგაზრდული სერვისების შექმნა და განხორციელება.
,,ახალგაზრდული ორგანიზაციების გაძლიერება“ - კონკურსის საერთო ბიუჯეტი: 1 200 000 ლარი. ერთი საგრანტო განაცხადის მაქსიმალური ბიუჯეტი: 100 000 ლარი. საგრანტო კონკურსში მონაწილეობის მისაღებად დეტალური ინფორმაცია იხილეთ ბმულზე: https://youthagency.gov.ge/sagranto-konkursebi/akhalgazrduli-organizaciebi/
,,ახალგაზრდული ინიციატივების მხარდაჭერა“ - კონკურსის საერთო ბიუჯეტი: 180 000 ლარი. ერთი საგრანტო განაცხადის მაქსიმალური ბიუჯეტი: 15 000 ლარი. საგრანტო კონკურსში მონაწილეობის მისაღებად დეტალური ინფორმაცია იხილეთ ბმულზე: https://youthagency.gov.ge/sagranto-konkursebi/akhalgazrduli-iniciativebi/
სსიპ - ახალგაზრდობის სააგენტო მთელი წლის განმავლობაში, ასევე, ახორციელებს "ახალგაზრდული ღონისძიებების ხელშეწყობის პროგრამას", რომლის ფარგლებშიც დაგეგმილ და განხორციელებულ აქტივობებში მონაწილეობის მიღება შეუძლიათ კონფლიქტის შედეგად დაზარალებულ ახალგაზრდებს.
დამატებითი ინფორმაციისთვის იხილეთ:
https://www.facebook.com/YouthAgencyGeorgia/?locale=ka_GE
https://www.facebook.com/youthpanorama11/#
საკონტაქტო ინფორმაცია:
სსიპ ახალგაზრდობის სააგენტო: 032 230 51 65; ელ. ფოსტა: info@youthagency.gov.ge
